Магнетна резонанца

Магнетната Резонанца во “Вита С“ има одлична резолуција, пократко време при снимањето без влијание на квалитетот и прецизна дијагноза благодарение на подобриот приказ на патолошките промени.

Магнетната резонанца е адекватна за детални снимки по специфични регии, како мозок, вратен ‘рбет, торакален ‘рбет, лумбален ‘рбет, зглобови, абдомен, карлица, простата, матка и јајници. Снимањата се прават без, а по потреба и со контрастно средство.

“Siemens Magnetom Flow Plus“ Магнетната Резонанца со јачина на магнетното поле од 1,5 Tesla не користи рендген зрачење и нема никакви штетни влијанија на организмот. Овој апарат, произведен во 2024 година, е новитет и прв од овој тип кој користи само 0,7 литри хелиум. Благодарение на напредната технологија и начин на снимање, обработката на сликите е побрза, со многу подобра резолуција, попрецизен и подобар приказ на патолошките промени, а самиот процес на снимање е пријатен за пациентот. Апаратот се карактеризира со краток тунел, што овозможува при повеќето снимања главата на пациентот да е надвор од тунелот. Во случаи кога се снима главата, во апаратот е вградено огледалце на кое пациентот може да гледа надвор, создавајќи поголемо чувство на удобност. За целокупно пријатно искуство, апаратот има можност за слушање музика по избор на пациентот.